Video
Read full review
2021-04-28
1007 views
夜晚出堅尼地城食飯，因為之前已經去K11食過Curator，出名嘅係藝術咖啡同埋食材嘅高質；今次決定去佢地嘅總店，睇吓有冇更加多嘢食。我哋兩個人，一個叫咗Breakfast Fantasy；另外一個則叫咗招牌安格斯高級肉眼牛扒。這一個Breakfast Fantasy其實係一份全日早餐：裏面除咗有香腸、炒蛋、麵包之外，今次升級嘅位係佢唔再係一般嘅火腿，而係西班牙火腿，另外佢嘅沙律亦都唔係剩係得沙律菜，而係雜果夾雜着唔同款式嘅菜在混和左芒果汁，食落去酸酸甜甜，當每食一啖香腸、煙肉之後，口腔會開始覺得油膩，但當食多一啖沙律再配埋芒果汁，酸酸甜甜就會即刻中和左油膩感，係幾唔錯。炒蛋上嘅黑松露醬亦都令炒蛋變得特別香，另外車厘茄亦都好大粒，咬落去嘅時候好多汁。之後嚟嘅呢份安格斯牛扒， 10安士係非常大塊，牛扒嘅兩面都煎得好好，將啲肉汁完全鎖住晒。牛扒唔似一般餐廳勁重嘅味精來調味，反而牛扒本身冇乜調味，後期亦都只係加咗啲胡椒黑椒上去。.我叫左5成熟，食落幾唔錯。..飲品我最推介佢哋嘅Cold Brew Coffee，清香唔苦。.最後食咗佢哋嘅焦糖燉蛋作結，呢個甜品我覺得蛋味偏濃，個人認為可以調校一
我哋兩個人，一個叫咗Breakfast Fantasy；另外一個則叫咗招牌安格斯高級肉眼牛扒。
這一個Breakfast Fantasy其實係一份全日早餐：裏面除咗有香腸、炒蛋、麵包之外，今次升級嘅位係佢唔再係一般嘅火腿，而係西班牙火腿，另外佢嘅沙律亦都唔係剩係得沙律菜，而係雜果夾雜着唔同款式嘅菜在混和左芒果汁，食落去酸酸甜甜，當每食一啖香腸、煙肉之後，口腔會開始覺得油膩，但當食多一啖沙律再配埋芒果汁，酸酸甜甜就會即刻中和左油膩感，係幾唔錯。
炒蛋上嘅黑松露醬亦都令炒蛋變得特別香，另外車厘茄亦都好大粒，咬落去嘅時候好多汁。
之後嚟嘅呢份安格斯牛扒， 10安士係非常大塊，牛扒嘅兩面都煎得好好，將啲肉汁完全鎖住晒。
牛扒唔似一般餐廳勁重嘅味精來調味，反而牛扒本身冇乜調味，後期亦都只係加咗啲胡椒黑椒上去。
.
我叫左5成熟，食落幾唔錯。
.
.
飲品我最推介佢哋嘅Cold Brew Coffee，清香唔苦。
.
最後食咗佢哋嘅焦糖燉蛋作結，呢個甜品我覺得蛋味偏濃，個人認為可以調校一下，因為我比較鍾意食重忌廉果種質感😂
Post
