Video
Read full review
2021-11-04
20 views
今日同屋企人去九龍城食廚師發板獎勵吓自己😍😍呢間係新開張嘅，朋友介紹我去試，話好高質😆😆整體體驗好舒服，侍應有禮，廚師都會問我哋嘅意見，同我哋傾吓計，中間都學咗好多嘢☺️☺️.勝 Katsu $1680 全22品套餐包括左先付，刺身6點，蒸物，季節料理，壽司8貫，卷物，茶碗蒸，湯，A5和牛料理，甜品.先付慢煮白子 配上木魚花豉油同橙皮，口感軟滑，可能有人唔敢食，但我地都覺得幾唔錯☺️.刺身6點真鯛刺身 用左蜂蜜汁，檸檬汁同紫蘇花做點綴，食落幾清新.太刀魚 用鹽燒過之後加上柚子皮同微辣既柚子胡椒,可以刺激到味蕾.⭐️熟成9天既拖羅，有微微炙燒一下，口感幾軟，滿滿既油香令我好滿足.⭐️鮫碟魚 係右口魚既一種，中間包住燒過的魚邊 同芽蔥，表面仲有d啫喱，口感好豐富，仲食到中間既魚油香味添.宮城縣帆立貝，大大粒既帆立貝配上黑色既竹炭鹽同埋手指檸檬籽，色彩同味道都咁夾😚😚.磯煮鮑魚師傅話已經慢煮左3小時，欣賞師傅對擺盤同食物既認真，鮑魚煮到腍得黎有少少咬口同埋好入味.炸日本甘鯛配柑桔蜜糖芥末汁，連鱗炸既甘鯛整個都炸到好脆，加上表面既片鹽提味，炸甘鯛同柑桔蜜糖芥末汁幾夾，忍唔住想點多幾下.壽司天然深海池魚以
今日同屋企人去九龍城食廚師發板獎勵吓自己😍😍呢間係新開張嘅，朋友介紹我去試，話好高質😆😆整體體驗好舒服，侍應有禮，廚師都會問我哋嘅意見，同我哋傾吓計，中間都學咗好多嘢☺️☺️
.
勝 Katsu $1680 全22品
套餐包括左先付，刺身6點，蒸物，季節料理，壽司8貫，卷物，茶碗蒸，湯，A5和牛料理，甜品
.
先付
慢煮白子 配上木魚花豉油同橙皮，口感軟滑，可能有人唔敢食，但我地都覺得幾唔錯☺️
.
刺身6點
真鯛刺身 用左蜂蜜汁，檸檬汁同紫蘇花做點綴，食落幾清新
.
太刀魚 用鹽燒過之後加上柚子皮同微辣既柚子胡椒,可以刺激到味蕾
.
⭐️熟成9天既拖羅，有微微炙燒一下，口感幾軟，滿滿既油香令我好滿足
.
⭐️鮫碟魚 係右口魚既一種，中間包住燒過的魚邊 同芽蔥，表面仲有d啫喱，口感好豐富，仲食到中間既魚油香味添
.
宮城縣帆立貝，大大粒既帆立貝配上黑色既竹炭鹽同埋手指檸檬籽，色彩同味道都咁夾😚😚
.
磯煮鮑魚師傅話已經慢煮左3小時，欣賞師傅對擺盤同食物既認真，鮑魚煮到腍得黎有少少咬口同埋好入味
.
炸日本甘鯛配柑桔蜜糖芥末汁，連鱗炸既甘鯛整個都炸到好脆，加上表面既片鹽提味，炸甘鯛同柑桔蜜糖芥末汁幾夾，忍唔住想點多幾下
.
壽司
天然深海池魚以小片上，配上酸汁蘿蔔同蔥，幾軟幾好味
.
秋刀魚加上蕎頭漬，第一次試秋刀魚刺身覺得幾特別
.
牡丹蝦配昆布醃漬，師傅用心處理隻蝦，幾新鮮好食😋😋
.
⭐️銀鱈魚煙燻過再炙燒，好香魚油味，壽司入面最鐘意係佢,師傅做完煙燻仲拎出黎比我地睇完先再處理，煙霧既感覺好仙氣☺️☺️
.
⭐️大蜆濃汁配小貝柱蒸蛋，食完一半壽司就上左個茶碗蒸間場，師傅時間安排得幾好，個大蜆濃汁真係勁濃，超鮮甜，係好好食既一個蛋😍😍
.
⭐️鰤魚熟成左9天，有少少蔥係面，軟軟既口感我都好鐘意😚😚
.
烏賊切咗粒唔會有好難咬或者膠晒嘅感覺，配合竹炭鹽同柚子皮又令我地個口清新返😉😉
.
喜之次燒完夠香，肉質鬆軟，有香香既魚油味，感覺幾好😛😛
.
黑鱸魚係煙燻既另一款魚，配上蒜醬食完仲有蒜味係口可以回味😌😌
.
手卷
吞拿魚蓉手卷有滿滿嘅吞拿魚蓉，香綿嘅感覺。紫菜夠晒脆，好好食，師傅仲細心留意到我地都飽飽地，提供少飯既選擇👍🏻👍🏻
.
江戶前玉子，以蛋，蝦同魚制成，有d 似蛋糕既口感，同滑滑既玉子好唔同
.
A5和牛
汁燒a5 熊本和牛配生炸蓮藕及日本青椒仔，油花均勻既和牛粒粒，係食完咁多刺身壽司之前用油份刺激一下係好滿足既，肥美又夠香既和牛岩岩好，唔會太熟影響口感🐮🐮
.
湯
蟹肉魚蛋豆腐湯，湯底以松葉蟹殼熬製，鮮甜又濃香，幾好飲
.
甜品
赤肉蜜瓜，刀根柿，最後以時令水果作結，兩款都好甜好多汁，為成餐飯劃上完美既句號🥰🥰
.
📍 鮨勝 (九龍城)
九龍城龍崗道31號地舖
.
#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodblogger #berryfoodie #berry九龍城 #鮨勝 #日本菜 #壽司 #刺身 #Omakase
Post
