日

Open Now

Now Closed

今日帶咗個大客去尖沙咀山林道食Omakase。呢間場分兩部份，一邊係鐵板燒，另外一邊係食Omakase。一坐低，廚師就俾咗啲小食同埋沙律，新鮮嘅蔬菜係由日本運到。跟住係茶碗蒸同埋幾款魚生，包括石雕、白梅貝同埋清酒煮南非鮑魚片。跟住嚟咗12款唔同嘅魚生壽司，都冇問到師傅係乜嘢嘅魚生，不過每款都好新鮮。最後嚟嗰兩款係最正嘅，包括大拖羅同埋海膽壽司。最後仲有海鮮麵豉湯同埋綠茶雪糕做甜品。呢度得八個位，人少少可以包場，不過就要早啲訂枱。