Tea WG Salon & Boutique (Closed)

記得是某活動中為公司帶來幾盒TeaWG的茶包，一看就知係好野黎，梗係唔執輸攞個返去試下先。個盒就好靚啦，但呢個膠膠地嘅鋁袋包裝普普通通啦，但好能保存香味係真嘅，入面個茶袋就幾靚，袋入面放著細細碎碎的洋甘菊，未沖泡都好香喎。寫住一包可泡到一壺，試下先，浸左一陣見佢黃黃地飲下先，好清香，咩都無加都甜甜地，好似有啲花蜜香味咁。唔知係咪心理作用，飲完個人真係好舒服，有寧神靜氣作用，臨瞓前飲應該更佳。價錢咁離地，唔好嘥，泡多一壺先。