The Point - Pizza & Pasta (如心廣場) (Closed)

去荃灣探朋友, 近近地佢屋企樓下食晚飯, 商場好多食肆選擇, 朋友想食意粉, 揀左呢間. 門面好靚, 裡面都好寬敞, 仲有個好大既Bar Area. 座位間隔有空間感, 令人坐得舒適.呢度主打意粉同披薩, 而晚餐又有齊呢兩款選擇, 仲有飲品半價優惠, 啱晒!龍蝦湯餐可選是日餐湯, 龍蝦湯, 肉丸或大啡菇, 我揀左龍蝦湯. 超濃味, 龍蝦好突出, 而且仲有2-3件龍蝦肉係湯裡面, 好重料!香煎虎蝦牛油果意大利香草醬意粉大虎蝦配上綠色既意粉(應該係混入香草醬), 虎蝦爽口彈牙, 意粉都同樣爽口, 烹調時間控制得啱啱好, 意大利風乾火腿、薯仔片、水牛芝士、巴馬臣芝士、鮮雞蛋、忌廉芝士醬披薩佢係我比較喜歡既薄皮, 意大利風乾火腿好重味, 配埋芝士同流心蛋, 味道好夾.一開始將流心蛋搽勻全個pizza可能會好味D.Golden LightVodka, Malibu, Peach Liqueur, GrapefruitJuice, Lemon Juice. 酒味唔重, 反而好香Grapefruit味, 好好飲!