9 3/4 cafe (Closed)

平時去開旺角，但都冇留意到原來有間以哈利波特為主題嘅餐廳，今次喺網上意外發現，而且男朋友亦都係哈利波特迷，去到都覺得好正~🦑 日本五爪怪 $98呢度嘅菜式名都特登配合哈利波特主題命名，日本五爪怪係明太子魷魚忌廉扁意粉，意粉擺盤幾有心思，食落明太子味唔算太重，意粉掛汁偏Creamy，忌廉味都好香，魷魚食落新鮮爽口，配上粒粒蟹籽。🐮 巨人海格的創可貼 $298巨人海格的創可甜係重量級安格斯肉眼扒，牛扒嘅份量都算大份，唔算特別厚身，但勝在肉質鮮嫩可口，叫咗七成熟，油脂分布平均，沾滿醬汁食更好食。🦐 卷卷蝦 $58聽個名覺得幾得意所以叫咗，炸蝦被一條條好似意粉咁幼嘅炸薯條圍住，食落口感特別，薯條香脆而蝦肉爽口，配上甜酸醬食，味道新奇有趣。🍞 積及矮豬包 $48呢個係蒜蓉法包配巴馬火腿，巴馬火腿唔算好特別，但配上蒜蓉法包味道昇華，蒜蓉昧道幾出，法包外脆內軟，更能帶出火腿嘅鹹香。