來多碗車仔麵 (路德圍) (Closed)

荃灣有間來多碗車仔麵，情懷辣醬30年，今次係荃灣搵食，必試一下魔鬼辣椒及秘製辣醬究竟有多辣。挑戰辣醬前一定要點點餸先，我點了米粉底、魚蛋、豬腸、墨魚丸，甜蘿蔔及溏心蛋。至於朋友就有鹵水蛋、鹵水雞翼、豬手、豬紅、牛肚及玻璃魷魚。我就一麵五餸$49，朋友就叫了淨6款餸，每款$8，每人仲加$13蚊要杯咖啡可樂，價錢算合理。餸菜方面，我最愛豬腸，因為有咬口同入味；朋友喜歡豬手同鹵水雞翼，豬手夠Q彈， 鹵水雞翼味香濃，雞雞都滑溜。至於主角魔鬼辣醬及秘製辣醬， 魔鬼辣醬真係唔講得笑，沾了一點魔鬼辣醬可以即時辣到麻痹，但來的快去的快，大量食的話店員同我講有客人辣到起唔到身，好可怕啊～而秘製辣醬是先帶鹹後帶辣， 惹味可口， 殺傷力比魔鬼辣醬較弱， 可供日常食用，怕辣就唔好試了。另外杯咖啡可樂，超抵飲大大杯，差不多可以稱得上1杯價錢有2倍份量。店員會先給你一大杯已調好味的咖啡，之後自行再落可樂。不要即時飲用，要等待兩者混合，產生化學作用後，味道才會均勻。 否則如急於飲用真味未能發揮到最好，急飲會似沙士汽水，如待最佳時間飲用味是很甜中帶微甘香，感覺都不錯。