Video
Read full review
2017-10-18
85 views
朋友約我食日本野我二話不說應承咗，然後才發現原來呢一度係荔枝角。荔枝角呢附近嘅餐廳越開越多，D2 更加係有10數間，約我來食日本野鮨芸，因為剛推出了秋天秋刀魚菜單。喜歡吃刺身嘅我當然也點了，新鮮美味而且當季肥美的秋刀魚刺身。雖然還未去到入口油脂豐滿的感覺，但係滲出的油分在我口腔來徘徊。口感好好。另外發現呢度嘅食物擺位十分之靚，每一樣野上枱嘅時候有如藝術品。有點不夠後立即再點了同樣美味的秋刀魚壽司，配上蔥花同薑絲，能夠把秋刀魚嘅鮮甜口感更加凸顯出來。一路響度等你食嘅時候我同朋友默默畫默默畫，每一張枱都有顏色筆，配上美麗嘅coaster ，等待嘅時間好好咁樣畫一下圖，有些有圖案有些係空白，隨個人喜好選擇適合嘅將當日嘅工作或者疲勞透過畫畫抒發出來。接着朋友問我知唔知道點解會叫我來呢間餐廳？我話因為有秋刀魚食囉。佢答我唔係架，佢想話我知呢一度大廚的故事，大廚在日本學師嘅時候認識了一位同樣喺日本留學嘅女學生，十分之投契而且女學生經常去到大廚以前學詩嘅壽司店，可惜就係一個快樂的傾談晚上之後，女學生冇再出現呀！大廚到現在仍然想念呢位女學生，所以喺壽司吧枱嘅第一個位置就係預約俾佢嘅位。聽呢個故事，我接
荔枝角呢附近嘅餐廳越開越多，D2 更加係有10數間，約我來食日本野鮨芸，因為剛推出了秋天秋刀魚菜單。
喜歡吃刺身嘅我當然也點了，新鮮美味而且當季肥美的秋刀魚刺身。
雖然還未去到入口油脂豐滿的感覺，但係滲出的油分在我口腔來徘徊。口感好好。另外發現呢度嘅食物擺位十分之靚，每一樣野上枱嘅時候有如藝術品。
有點不夠後立即再點了同樣美味的秋刀魚壽司，配上蔥花同薑絲，能夠把秋刀魚嘅鮮甜口感更加凸顯出來。
一路響度等你食嘅時候我同朋友默默畫默默畫，每一張枱都有顏色筆，配上美麗嘅coaster ，等待嘅時間好好咁樣畫一下圖，有些有圖案有些係空白，隨個人喜好選擇適合嘅將當日嘅工作或者疲勞透過畫畫抒發出來。
接着朋友問我知唔知道點解會叫我來呢間餐廳？我話因為有秋刀魚食囉。佢答我唔係架，佢想話我知呢一度大廚的故事，大廚在日本學師嘅時候認識了一位同樣喺日本留學嘅女學生，十分之投契而且女學生經常去到大廚以前學詩嘅壽司店，可惜就係一個快樂的傾談晚上之後，女學生冇再出現呀！大廚到現在仍然想念呢位女學生，所以喺壽司吧枱嘅第一個位置就係預約俾佢嘅位。
聽呢個故事，我接着問左一句，咁咪大廚結咗婚未啊？朋友答我未呀，
我當然唔係因為對呢位大廚有興趣，而係我知道佢唔結婚，都希望等待呢一個雖然出現得好短暫，但係很重要佔據了佢嘅心的留學生。從使我覺得呢一個機會係10000000分之一都未必會。
接着食咗一個令我覺得好驚喜嘅秋刀魚紫蘇卷，係呢度嘅大廚原創架。意想唔到嘅係做得好精美如兩粒可愛嘅車厘子一樣，係用想美味嘅秋刀魚片配合紫蘇葉捲起再燒，紫蘇葉同秋刀魚味道很配。兩種味道喺口腔內滿滿的散發出來。好正。
見到隔離枱食緊呢一個又玩得又睇得嘅流水麵，我當然都希望試吓啦，未有機會去到日本親身感受呢一種咁得意嘅食麵方法，慶幸嚟到呢一度能夠親自品嚐，首先將蔥花芝麻同殭屍放喺自己嘅冷麵碗配合冷麵醬汁，接着就開動機器將一住着嘅冷麵放到冰水裏面，我哋今次食嘅係彩虹素面顏色色彩繽紛好靚呀！
素面冇蕎麥面咁彈牙但係呢口感亦都好不錯。頭一兩次係需要練習然後呢就能夠架輕就熟呀。
喺晚飯完成之前我都畫好我嘅小手作，我喜歡天空所以我畫左天空，當然希望有機會貼堂但係呢啲小學雞質素就無謂嚇親人啦。
可能當年嘅呢一位留學生喺度諗，搞錯啊俾咗咁多次機會你攞我電話你都唔夠膽架，係咪對我冇意思先，激死呀！然後嬲爆爆咁樣離開。
一頓美味嘅秋之秋刀魚美食之夜完美結束，好希望大廚同一位佔據響佢心靈咁重要嘅女生能夠重逢，因為我相信相愛應該要走在一起希望呢一度嘅秋天的童話會係一個happy ending , 除咗大廚嘅呢個餐廳有你專屬嘅位置，係大廚心目中你都係如此專屬。
Post
