小漁港海鮮舫 鮮蒸‧鮮味火鍋

Open Now

Now Closed

終於迎來我同另一半人生第一次去食海鮮蒸鍋，呢啲咁重要嘅時刻當然要記錄低啦🤣海鮮蒸鍋 $298@位套餐包咗：8️⃣款時令海鮮2️⃣款刺身4️⃣款時蔬1️⃣款主食首先上枱嘅係照燒魚乾同埋刺身拼盤，原來刺身唔止2款咁少，包括三文魚、油甘魚、帆立貝、馬刀貝、北寄貝、甜蝦，種類繁多，鮮而不腥😋每輪蒸鍋都有特定嘅時間，務求令到熟度剛剛好，唔會浪費食材蒸鍋第1️⃣輪：2片馬友、2隻鮑魚、4隻蝦侍應姐姐建議先食魚，如果唔係凍咗會腥，馬友入口即溶，鮑魚爽口彈牙，仲要拆咗肉，超方便👍🏻第2️⃣輪：2隻斑馬瀨尿蝦大隻到同筷子差唔多長，橫躺喺整個蒸格上，以呢個size嚟講，喺呢輪淨係蒸2隻蝦，絕對唔出奇🤣姐姐建議蒸完後放置幾分鐘先食，味道會更佳，果然非常鮮甜，肉質偏淋身，啖啖肉好過癮🤤第3️⃣輪：蟶子係蒸完等緊食瀨尿蝦嘅同時，已經KO咗呢2隻蟶子，由於熟度啱啱好，所以粉絲煙韌有咬口，蟶子新鮮爽口（其實食完呢輪都已經飽飽地🤣）第4️⃣輪：貝殼類海鮮包括2隻生蠔、2隻青口、4隻大蜆，鹹鮮味十足💦第5️⃣輪：蟹蟹蓋一嚟就加埋落去煲粥，有超多蟹膏，雖然未至於啖啖肉，但蟹都算多肉😋第6️⃣輪：農家四寶+主食農家四寶指粟米、南瓜、紫薯仔、勝瓜，蔬菜仲有芋頭，主