Video
Read full review
2022-02-24
441 views
📍 撈得喜火鍋冰室呢幾日天氣真係好凍，好想打邊爐、好想食啲好熱嘅嘢！而家仲有冇晚市，邊爐就一定要晏晝食😮💨早兩日睇到人哋介紹嗰間餐廳有午市$268火鍋套餐，都幾吸引😍餐廳嘅店面都幾大間，座位同座位之間嘅間距都非常之闊，仲左outdoor方便食煙嘅朋友們。🔸午市火鍋優惠套餐 $268-煲底可以三選一 （招牌麻辣烤魚/秘制麻辣雞煲/麻辣水煮魚)-肉類方面就可以三選一 （美國肥牛/黑豚豬腩/精選牛肋條）-配料都係可以揀一款（牛柏葉/豬肚/水魷魚/蟹籽丸/墨魚丸/白魚蛋/海膽丸/貢丸）-配菜方面都係揀一款（唐生菜/娃娃菜/雜菇類/油麥菜）主食就二選一（白飯2碗/寬粉一份）仲送野飲2杯🙌🏻我哋就揀咗招牌麻辣烤魚+肥牛+海膽丸+娃娃菜+白飯！烤魚仲可以揀辣度🌶太貼心了，我哋揀咗BB辣。呢條魚都幾大條，條魚上面鋪滿左一啲辣醬配料，我自己認為幾特別。因為食魚嘅時候都可以食埋佢嘅配料同埋醬汁😻超級香濃同埋惹味！暫時未食過其他烤魚上面係配有一啲醬汁👍🏻除此之外鍋裏面都仲有其他配料，初頭我仲諗住唉每樣揀得咁少一定唔夠食啦😮💨點知入面仲有蘿蔔、薯仔、芫荽、椰菜花、腐皮等等🙈最好味係蘿蔔，佢係用湯煮到半熟再
呢幾日天氣真係好凍，好想打邊爐、好想食啲好熱嘅嘢！而家仲有冇晚市，邊爐就一定要晏晝食😮💨早兩日睇到人哋介紹嗰間餐廳有午市$268火鍋套餐，都幾吸引😍餐廳嘅店面都幾大間，座位同座位之間嘅間距都非常之闊，仲左outdoor方便食煙嘅朋友們。
🔸午市火鍋優惠套餐 $268
-煲底可以三選一 （招牌麻辣烤魚/秘制麻辣雞煲/麻辣水煮魚)
-肉類方面就可以三選一 （美國肥牛/黑豚豬腩/精選牛肋條）
-配料都係可以揀一款（牛柏葉/豬肚/水魷魚/蟹籽丸/墨魚丸/白魚蛋/海膽丸/貢丸）
-配菜方面都係揀一款（唐生菜/娃娃菜/雜菇類/油麥菜）
主食就二選一（白飯2碗/寬粉一份）
仲送野飲2杯🙌🏻
我哋就揀咗招牌麻辣烤魚+肥牛+海膽丸+娃娃菜+白飯！烤魚仲可以揀辣度🌶太貼心了，我哋揀咗BB辣。呢條魚都幾大條，條魚上面鋪滿左一啲辣醬配料，我自己認為幾特別。因為食魚嘅時候都可以食埋佢嘅配料同埋醬汁😻超級香濃同埋惹味！暫時未食過其他烤魚上面係配有一啲醬汁👍🏻除此之外鍋裏面都仲有其他配料，初頭我仲諗住唉每樣揀得咁少一定唔夠食啦😮💨點知入面仲有蘿蔔、薯仔、芫荽、椰菜花、腐皮等等🙈最好味係蘿蔔，佢係用湯煮到半熟再掉落個烤魚鍋到一齊煮‼️因為我食到入面有湯汁😍太正了👍🏻
原來2個人食哂成條魚，已經好飽🤫肥牛、海膽丸同娃娃菜份量都勁多🤫根本唔需要食飯已經好飽了😌$268唔洗加一都勁扺🥰😋
評分時間❣️ (最多五顆星，如不推薦會打交叉）
食物質素⭐️⭐️⭐️⭐️
環境質素⭐️⭐️⭐️
服務質素⭐️⭐️⭐️⭐️
價錢💸:埋單$268
餐廳資料📋: 撈得喜火鍋冰室
🕌地址: 元朗屏昌徑14-48號聯發樓地下9-10號舖
想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie
如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
Post
