麵麵 (Closed)

我諗烏冬大家就食得多啦，魚烏冬大家又食過未呢？初時我都唔知咩係魚烏冬，一search之下，先知魚烏冬真係用魚肉整，營養價值相當之高，相比普通既烏冬鈉含量就低好多啦😗食得健康啲，記得食魚烏冬。今次做facial之前去左位於旺角既麵麵，食佢主打既魚湯魚烏冬，本身以為teatime已經無乜人，但都仲係有幾枱客仔係到😚證明疫情之下，香港人都養生左。我叫左日式吉列豬扒濃魚湯料理配熱桂花啤梨肉花茶，仲追加多個魚肉春卷添😚魚湯嘅味十分濃郁，飲得出佢冇落任何味精而魚烏冬同普通烏冬嘅口感都有幾大分別，魚烏冬嘅口感比較淋身容易入口，食落有啖啖既魚肉係口入面。相反作為主菜嘅日式吉列豬扒就有啲普通，外皮略嫌有啲過厚，食唔出豬扒既味道，不過熱辣辣嘅炸吉列豬扒，配上啖啖濃郁嘅魚湯，都已經心滿意足🤤而且佢配有幾款小菜，分別係日式燒番薯，柚子醬醃蘿蔔，同埋麻醬海苔！清新得黎仲會愈食愈多😂