スーパー丼 (駱克道) (Closed)

呢鋪真係爭唔落，都唔知算唔算伏咗星期日行完山好肚餓諗住食好D，所以嚟呢到食 #丼飯 ，但真係唔想有下次。首先係落完單之後隔咗好耐都未上菜，遲入嚟嘅隔離檯都有得食，待應先行埋嚟話部機Jam 咗紙要重新落單(Jam 紙唔係第一時間發現，之後D單出嚟都唔問﹖)然後終於都等到我嘅 角切魚生丼 同男友嘅 吞拿魚腩溫泉蛋丼飯望落連D 料都鋪唔過碗飯，我只係聯想到佢似一個甩頭髮嘅地中海呀叔。最大獲唔係D 魚生刺身係無味，三文魚無油香，白身魚唔知食緊咩，牛油果熟到黑都擺上碗，而係個飯係雪過仲要無完全整返熱整返鬆，一舊舊咁實咗痴埋，用筷子成舊硬塊咁夾得起主打做丼飯但連飯都做得唔好，陰功。