頂元魚蛋大王

Open Now

Now Closed

光顧左呢度兩次。第一次是食墨丸河加汁再加$8一碟菜心。墨丸名不虛傳，爽彈鮮味，係唔錯！所以有第二次。今次想試牛腩。考慮到牛腩都肥，為免同澱粉質撞埋一齊，所以就試吓佢地個魚麵。 以前食過魚麵，都是打邊爐一小包俾你唧吓唧吓果種。一大碗咁上，講真未試過。食左一啖，感覺就是麵條形的魚蛋。彈牙嘅但鮮味一般。食左兩三啖已覺得頂胃，開始後悔叫了魚麵。食幾條都話吖，成碗食晒，等於約20粒魚蛋的份量，成件事好crazy呀！！！唔講crazy魚麵, 佢地牛腩係唔錯，部位靚，肥瘦適中，但香料味唔算好突出。上次我叫加腩汁，碗粉相當油膩，今次唔敢叫加汁，好少少個湯整體都係油油地。食完唔算口渴（反而食完西環間永記個口乾乾地）, 都OK啦。整體而言唔算伏，但又唔係好食到要大力推介。除了墨丸特別出色，其他一般般。