麻辣五三五 (Closed)

男朋友成日都嘈住要食烤魚😤唔多食魚既我結果都要陪佢食🤭你開心咪得囉可睇睇餐牌呢度除咗有烤魚食之外，仲有干鍋同小炒。咁我地今次都係主用食魚，魚都有五種口味（香茜皮蛋、麻辣、清椒、酸菜同水煮）。我地先點一個酸菜魚，店員都好快攞咗個爐俾我地，一盤勁多酸菜同草菇嘅烤魚都隨即送到！我就即刻試咗一啖個湯，清甜但就唔夠酸，我地鋪平啲酸菜再煲佢5分鐘正式開餐！條鰓魚多肉而且小骨，同酸菜一齊食好夾，外皮佢炸過，食落好香口，條魚啲肉好滑好好食😋（因本人唔多食魚的，魚既部分由男友處理，我食過兩啖，覺得腥就放棄了）另外我自己就叫左杯神泡sapporo再叫左個餸食，干煸四季豆是必食的，極之惹味，又平又大碟，我自己隊左大半碟。辣辣地，用黎佐酒一流。另外為左令自己食飽，我仲叫左碗酸辣粉食，極之辣又有麻香，可惜唔多覺有酸味。不過唔怕！我有酸菜魚，浸落去食瞬間變酸，得左。男朋友話佢下次可以帶朋友黎😂我表示認同