樓下冰室

Open Now

Now Closed

放假星期六來到鰂魚涌，近附開左好多新餐廳，朋友話附近開左間冰室，出名食瑞士雞翼，所以今次來食Tea。入到餐廳，茶餐時段唔洗等位，店面和內裏的裝修都好用心，在不同的角落都充滿本土和復古的味道。餐牌方面，用相片主導設計，一望就可以了解到分類和主打菜式。皇牌特色番茄濃湯通粉套餐和瑞士雞翼套餐。先來的係兩杯特飲，華田脆脆和熱檸蜜， 華田脆脆夠凍夠濃，面頭脆脆，帶來另一番口感。番茄濃湯通粉，湯底濃厚，湯裡面更有新鮮番茄粒一齊煮，新鮮甜美，通粉唔會過熟，剛剛可以掛上湯汁，每一口都新鮮滿足！到了招牌的瑞士雞脾和雞翼，顏色夠深，香味出眾，切開可以看到瑞士汁入味，而且保持住肉汁。食落甘香，肉質幼滑，八角和香料經過細意調配，果然係餐廳的靈魂之選。整體樓下冰室，店面光線充足，環境乾淨，店員數量充足有禮，如果下次去附近行山，一定會和朋友再來。