紅館 (海堤街)

Open Now

Now Closed

呢間餐廳係鰂魚涌太古坊小巷入面嘅一間川菜小店，叫做紅館。紅館屹立太古城都有多年時間，可見佢係呢度其中一位隱世高手！如果要推薦佢嘅招牌菜式，絕對係煲仔小菜，特別係瓦煲酸菜魚。佢哋即叫即煮，仲要係原煲上端出，保證全程夠熱。湯底配上花椒、辣椒乾、酸菜同芽菜，味道夠清甜開胃，唔係一味咁死酸。魚肉可以揀龍脷柳同滑魚片，我今次揀左龍脷柳，啖啖肉，唔怕食到骨。龍脷柳魚肉又夠滑，同湯底同酸菜一齊食係非常過癮。之後就係佢出名嘅水煮，今次我揀左滑牛。滑牛唔係鬆肉粉那種人造滑的質感但無牛味，而係佢真係切得夠薄，煮得夠滑。而水煮湯底夠晒麻，辣味適中，香料味足夠，味道亦唔會過鹹。雖然冇附送薯粉或寬粉，但係有好多芽菜同埋洋蔥，所以湯底都帶有甜味。最後就真係話下佢嘅份量，龍脷柳至少有10條，而滑牛我應該食左超過20塊，份量超足。叫兩個餸已經好夠食，配埋解辣的羅漢果茶，真係好滿足。