Video
Read full review
2019-09-27
364 views
今日去尖沙咀行街，見到有間大一海鮮火鍋幾吸引，裝修又幾靚，即刻入去試下。成間舖用藍白既設計，牆壁仲有好多海洋氣息既裝修，有幾副大既海洋畫，而碗筷用左黑色設計，有品味。座位坐得舒適而且寬敞，不錯。有調味料自己調節，最中意佢既XO醬辣油，非常香又惹味！今次湯底簡左魚湯海鮮鍋$199火鍋湯底估唔到咁多海鮮，材料十足，有花蟹、大海蝦、大隻蠔、 蜆、 新鮮粟米、豆腐……海鮮全部都好新鮮，食落無腥味，清洗乾淨，重點係豐富既海鮮令到個湯底非常極度鮮甜！一流既湯底係火鍋既重點！無得頂！鵝腸（半份）$58鵝腸清洗得乾淨，份量不少，而且食落Q彈珊瑚蚌（半份）$78食落有點珊瑚既香味，爽脆既口感，不錯手切安格斯肥牛（半份）$188雪花紋路非常平均既安格斯肥牛，手切亦切得非常平均，唔會一邊厚一邊薄，刀工一流！肥牛食落非常嫩口，牛味非常特出，而且海鮮既鮮味唔會搶走牛肉既香味，非常好食脆鯇骨腩魚片（半份）$48脆鯇非常新鮮，食落無泥味，放湯更加增添鮮味，肉質鮮滑，食落爽脆有魚味，脆骨有咬口黑栢葉（半份）$58無漂白既栢葉，食落爽口彈牙，有咬口芝味響鈴（半份）$38響鈴上有芝士粉，吸收曬海鮮湯底既響鈴真係無得頂，仲
成間舖用藍白既設計，牆壁仲有好多海洋氣息既裝修，有幾副大既海洋畫，而碗筷用左黑色設計，有品味。座位坐得舒適而且寬敞，不錯。
有調味料自己調節，最中意佢既XO醬辣油，非常香又惹味！今次湯底簡左魚湯海鮮鍋$199
火鍋湯底估唔到咁多海鮮，材料十足，有花蟹、大海蝦、大隻蠔、 蜆、 新鮮粟米、豆腐……海鮮全部都好新鮮，食落無腥味，清洗乾淨，重點係豐富既海鮮令到個湯底非常極度鮮甜！一流既湯底係火鍋既重點！無得頂！
鵝腸（半份）$58
鵝腸清洗得乾淨，份量不少，而且食落Q彈
珊瑚蚌（半份）$78
食落有點珊瑚既香味，爽脆既口感，不錯
手切安格斯肥牛（半份）$188
雪花紋路非常平均既安格斯肥牛，手切亦切得非常平均，唔會一邊厚一邊薄，刀工一流！
肥牛食落非常嫩口，牛味非常特出，而且海鮮既鮮味唔會搶走牛肉既香味，非常好食
脆鯇骨腩魚片（半份）$48
脆鯇非常新鮮，食落無泥味，放湯更加增添鮮味，肉質鮮滑，食落爽脆有魚味，脆骨有咬口
黑栢葉（半份）$58
無漂白既栢葉，食落爽口彈牙，有咬口
芝味響鈴（半份）$38
響鈴上有芝士粉，吸收曬海鮮湯底既響鈴真係無得頂，仲帶少少芝士既鹹香，有特色
松露芝士墨魚丸（半份）$68
非常非常推薦既一道菜！上枱擺盤已經勁靚，仲有陣陣既松露香味撲鼻，賣相香味已經100分！
大大粒既墨魚丸食落非常彈牙，而且仲食到有墨魚既碎屑，彈牙有口感，咬到中心仲食到可以拉絲既芝士，芝味爆發，芝士同松露同墨魚都幾夾，推薦一試！
蝦滑（一支）$38
用鮮蝦打成既蝦滑，顏色變紅浮面就食得，食落亦十分彈牙，同海鮮湯非常夾，鮮蝦味十足，不錯！
總結：火鍋湯底由於太好味，所以不少心飲左勁多，而且材料又新鮮，每碟既價錢唔算貴，性價比高，重點推薦松露芝士墨魚丸！
Post
