醉胡爐 (Moved) New Location

天氣咁凍，當然要打邊爐啦！！其中一位朋友想試下玩鮮湯底火鍋，所以我哋就決定去試一試呢一間😋餐廳位於佐敦，出地鐵站大概五分鐘路程就會到達。服務員態度很好，禮貌十足。餐廳內部裝修豪華，有別於一般傳統的火鍋店。火鍋湯底選擇很多，但由於做緊promotion，二人同行或以上會送一個卜卜蜆鮮蟹魚湯鍋（原價$298），所以我地都冇三心兩意😂呢個湯底係新鮮水蟹同埋蜆加入酒，再生炒而成既，熊熊烈火升起，睇頭十足，打卡一流📸。🥢手切安頂級格斯肥牛 大（$338）入口即溶，油脂及牛肉分佈均勻。🥢西班牙黑毛豬豚肉（$188）上碟好靚，半肥瘦洽到好處。🥢紫菜炸響鈴（$88）好脆好香口，第一次食有紫菜係入面既響鈴。🥢黃金墨魚丸（$52/4pcs) 墨魚好彈牙，好有咬口，裡面係流沙咸蛋黃😍，超正。🥢黑松露蟹肉餃 半份（$68/4pcs）🌟必試🌟皮薄餡多，黑松露和蟹肉呢個配撘超夾！！❤️🥢珊瑚蚌（$138）鮮味十足！！好鮮甜，一點腥味都冇，爽口彈牙到不得了。🥢花雕杞子農場雞件 小（$138）口感嫩滑，煮耐左都冇覺得鞋口😅🥢仲order了其他配料和菜，但最特别都是以上這些。