美孚。友樂鮨 (Moved) New Location

好鍾意食日本嘢🥳依日Lunch 去咗美孚食Omakase，除咗「午市廚師精選」，原來依到嘅「午市壽司定食10貫」都係以Omakase嘅方式提供💗由廚師決定🥳用當日最鮮最正嘅食材喺客人面前製作！正！我哋2個人去，1個點Omakase Lunch（＄550），1個點午市壽司🍣定食10貫（＄298）。🔶 Omakase Lunch 🔶成個餐有前菜兩款丶沙律丶刺身三款丶壽司七貫丶茶碗蒸，仲有碎蔥拖羅丶海膽丶三文魚籽丼，最後仲有味增湯丶咖啡同埋甜品，都好豐富🥳當中我最鍾意～前菜龍蝦🦞沙律，非常有鮮味賣相又精緻。壽司方面，我好鍾意💗新鮮北寄貝，夠曬爽滑鮮，而北海道牡丹蝦🦐上面伴著蝦籽同蝦膏，3重鮮味，口感一流👍🏼另外，腦天壽司即係吞拿魚後尾枕 ，火炙過後～入口充滿油脂香👍🏼 仲有蟹肉壽司，啖啖鮮香蟹肉令人回味無窮。而壓軸嘅三色丼賣相好靚靚呀💗金黃色一大球，有碎蔥拖羅丶海膽丶三文魚籽，海膽夠晒鮮甜🥳而且好足料。🔶 午市壽司定食10貫🔶除咗有10款廚師精選嘅壽司，仲有埋沙律丶前菜同埋熱讚岐烏冬🥳蜜金鯛丶鮫鰈魚丶金目鯛丶帆立貝丶深海池魚丶深海月老丶銀鱈魚丶吞拿魚丶鰈魚邊同埋海膽🥳全部都新鮮肥美最鍾意銀鱈