鮮道樂 (Closed)

你想像到放題可以食5小時嗎？正正就是位於元朗嘅鮮道樂。有過百種食物俾你任君選擇，初頭有指定嘅俾你選擇食，大吞拿魚腩刺身，波士頓龍蝦半隻，牡丹蝦刺身。吞拿魚魚腩夠肥美，唔會有根，龍蝦鮮味到十足，牡丹蝦刺身好大隻，爽口又有蝦味。食完海鮮轉下食肉類，岩碳燒安格斯小排，肉質鮮甜，牛味好重，瘦肥均勻，只要每邊燒兩至三分鐘便可以進食。曰本新鮮生蠔，大大隻蠔，蠔未夠鮮甜，夠肥美，仍然仲有海水味，值得一試。近期最愛嘅三文魚籽，冇理由唔食佢，一口咬爆曬所有新鮮嘅魚汁，味道吾會好腥，因為夠新鮮。雖然已經好飽，但係都想食一個傳統三文魚刺身拼盤：賣相一流,三文魚夠好夠新鮮,帶子等其他嘢都不錯，已放題來講已經超速水準。最後食返一個天婦羅，粉醬炸到好鬆軟，夠乾身，唔會油淋淋，蝦有一隻手掌咁大。