令酒場 (Closed)

聽到政府要禁日本多個地區嘅海產，於是乎我就趕係禁令前食番餐日本菜。今次就嚟到中環嘅日式餐廳《令酒場》，串燒、刺身、丼飯、燒物款式都好多，心思思乜都想試下。三文魚親子丼$168講到食丼飯，一定唔少得我最愛嘅三文魚。肥美又有光澤嘅三文魚，配上粒粒晶凝通透嘅三文魚子，加少少醬油同埋芥末一齊食就已經perfect。月見火山牛丼 $238食完魚生丼，我又想食番啲熟食。依款堆到火山咁高嘅牛丼就啱哂我啦。首先視覺效果一流，食之前輕輕用匙羹碰一下月見，睇住啲蛋漿流落嚟真係好似火山一樣。牛肉粉嫩又半生熟，充滿肉味又有醬汁嘅甜味。原條池魚 $298店員推介依款時令原條刺身，原條池魚真係好震撼。一片片淡紅色又透明嘅池魚刺身，配搭酸汁一齊食會突顯魚肉嘅鮮甜。椒鹽左口魚邊 $58左口魚邊燒到香脆，加上椒鹽調味咸咸地，餸飯同餸酒一樣好食。另外午市套餐仲可以選擇多款串燒，性價比真係好高。