海膽仔

Open Now

Now Closed

今日嚟新蒲崗食lunch，上次食過呢間海膽仔覺得幾好食所以今日又來食，裝修陳設既具日式有具現代風格，舖頭分咗兩個部份，出面係壽司師傅工作吧枱同陳列櫃，入面係用餐嘅地方，座位寬敞舒適。必食推介：倍化帶子吞海膽 呢個組合好有創意，係將大帶子開半夾着住海膽，帶子大大粒夠晒厚身，味道鮮甜👍🏻；海膽黃色鮮艷，口感Creamy😋，好鮮味冇明礬味亦唔會有腥臭味，兩者配合得好好，食落好有滿足感☺️🦀甲羅燒配法包🥖比較少日式料理店會有甲羅燒，見到有梗係要嗌嚟試吓，甲羅燒上面放咗一隻日本蛋，撈埋裏面嘅蟹膏同蟹肉一齊食好creamy, 蟹膏鹹香味濃配上鮮甜嘅蟹肉🤩，原本以為撈飯食已經係最好嘅配搭，估唔到配上香脆嘅法包都好夾，就好似法式鵝肝醬搽喺法包上面咁樣，創意滿分💯串燒魷魚鬚🦑睇相以為係串燒魷魚酥，出嚟係串燒魷魚仔，不過魷魚仔好爽脆，加咗七味粉同鹽同胡椒調味，既唔會遮蓋魷魚仔嘅鮮味，又有少少辣好惹味香蔥拖羅蓉手卷🐟拖羅蓉好鮮味好滑，拖羅蓉份量都幾多，紫菜香脆，包住嘅壽司飯粒粒分明又軟熟，食落大少少甜味。整體來講，食才新鮮，食物款式多元化又創新；環境舒適；價錢合理，服務態度良好，上菜速度十分快。