Video
Read full review
2018-06-13
61 views
自從上次去中環食過呢間之後就一直念念不忘所以今次就殺埋黎銅鑼灣店睇下係咪都一樣咁好食==============================menu同中環店幾乎一樣只係酒既種類少d始終中環店係老蘭,多d酒都係正常既同女友仍然係叫個二人餐不過經上次之後就發現呢到既二人餐真係好夠食所以都唔敢再叫太多先係紫菜薯條上次食完芝士薯條,今次試下唔同口味薯條同中環店一樣都係太淋估計只係用左較低溫既油去炸冇用高溫油逼入面既水分出黎而且味道上都係芝士味好食d紫菜味略為普通雞軟骨餃子估唔到呢個咁好食餃子炸得岩岩好唔會炸太硬,又保持到餃子皮既水分同口感入面既料調味岩岩好而且雞軟骨既咬口會令你試到未曾食過既餃子既口感加埋泰式辣醬就仲惹味必食推介!!!!!魚串湯味道似日式鏗魚湯湯底味道雖然普通,但係料就非常足可以一試但下次都係揀返水冷麵會好d登登登登!!!跟住就梗係主菜: 炸雞啦上次食完韓式辣味炸雞就念念不忘今次當然鐵膽都係佢另一隻味今次就試左檸檬柚子兩款炸雞都炸到鮮嫩多汁,口感juicy而且炸雞皮脆得黎又唔會太油膩已經係成功既炸雞既一半韓式辣味炸雞依然高水準辣得有層次,而且唔會只係死辣,辣入面帶有韓式辣醬
所以今次就殺埋黎銅鑼灣店
睇下係咪都一樣咁好食
==============================
menu同中環店幾乎一樣
只係酒既種類少d
始終中環店係老蘭,多d酒都係正常既
同女友仍然係叫個二人餐
不過經上次之後就發現呢到既二人餐真係好夠食
所以都唔敢再叫太多
先係紫菜薯條
上次食完芝士薯條,今次試下唔同口味
薯條同中環店一樣都係太淋
估計只係用左較低溫既油去炸
冇用高溫油逼入面既水分出黎
而且味道上都係芝士味好食d
紫菜味略為普通
雞軟骨餃子
估唔到呢個咁好食
餃子炸得岩岩好
唔會炸太硬,又保持到餃子皮既水分同口感
入面既料調味岩岩好
而且雞軟骨既咬口
會令你試到未曾食過既餃子既口感
加埋泰式辣醬就仲惹味
必食推介!!!!!
魚串湯
味道似日式鏗魚湯
湯底味道雖然普通,但係料就非常足
可以一試
但下次都係揀返水冷麵會好d
登登登登!!!跟住就梗係主菜: 炸雞啦
上次食完韓式辣味炸雞就念念不忘
今次當然鐵膽都係佢
另一隻味今次就試左檸檬柚子
兩款炸雞都炸到鮮嫩多汁,口感juicy
而且炸雞皮脆得黎又唔會太油膩
已經係成功既炸雞既一半
韓式辣味炸雞依然高水準
辣得有層次,而且唔會只係死辣,辣入面帶有韓式辣醬獨有既甜
真係多多都食得晒
檸檬柚子味就夠晒fresh
酸中帶甜,檸檬同柚子既香味更加帶出到雞既雞味
又可以中和返食炸雞既油膩感
食得多都唔會怕滯
美中不足既係
呢間放辣醬放得比中環店少
令到有d意猶未盡
今次唔打算飲酒,所以同女友分別叫左
熱情果果茶同蜜桃果茶
仲有菠蘿汁同埋蜜桃汁熱情果果茶味道淡左d,另外菠蘿汁味道有d假
另外兩款蜜桃飲品就味道清甜,好飲!
==============================
總結而然
食物質素同中環都有得揮,都係非常好
只係一d小細節上,中環店似乎做得好d
例如係辣醬既多少等等
但當然兩個都係值得再次一去既餐廳
Post
