滿粥順德粥底海鮮火鍋

Open Now

Now Closed

邊爐就打得多，但係用粥底去打邊爐就真係第一次，感覺好新奇🫣🫣感覺卑人既可以享受美食又可以養生嘅感覺！今次屋企人一齊叫咗肉蟹餐，有海鮮同6款火鍋配料海鮮有數款全部都非常新鮮生猛，連最普通嘅蜆都十分肥美多汁！基圍蝦每個人頭有三隻，上來嘅時候仲識得郁😮😮屋企人最鍾意食魚片，非常滑而且完全冇腥味。仲有一人一隻新鮮鮑魚仔，肉質彈牙，新鮮感覺到！今次嘅主角肉蟹都幾大隻，蟹鉗入面啖啖肉，只可惜蟹蓋入面冇咩蟹膏，蟹膏愛好者有啲啲傷心😢食完海鮮可以落南瓜和芋頭粒粒，本身我麻麻地南瓜，但係發現煮融咗嘅南瓜可以增加最後粥嘅清新味，唔錯火鍋配料我地揀咗肥牛豬肉片等嘅肉類，雖然每一款份量唔係好多，但係始終有六樣所以食到最後都非常飽肚。肥牛質素唔錯，油香十足。我幾鍾意魚肉腐竹卷，腐竹入面包住咗薄薄一層魚肉，味道不錯👍🏻套餐總體而言食得好滿足！只係唔包飲品要另叫。店員嘅服務都幾周到，會幫手檢查下海鮮煮嘅狀態。