BnR (Closed)

呢間BnR米線鋪外型新穎，唔似米線鋪，原來佢個名=“Broth Noodle Rice”，姐係清湯既飯或麵。佢裝修都幾光猛幾乾淨，坐得十分舒適。佢主打3款湯：濃雞湯，鮮魚湯同埋特色湯。佢可以揀淮山麵／米線／河粉／泡飯，配料都幾名貴幾特別，例如有花膠，胡椒豬肚，釀魷筒，五指毛桃雞，雖然佢一碗麵都要70-80蚊，但有靚湯靚料都對得住個價錢。 🔸️花膠雞鮮魚湯米線 + 水餃（$69+$13，8.5／10）個鮮魚湯底我幾欣賞，奶白色，真係有鮮魚湯味，飲落好舒服，完全冇味精感覺。另外佢有兩塊花膠，雞件都幾嫰滑新鮮，推薦大家加$13加多兩隻手工韭菜餃，夠料又結實，好味！ 🔸️濃湯浸時蔬（$48，8.5／10）清甜既湯底淥菜心，菜心特別新鮮同甜。 🔸️冷泡菊花蜜 （$28，8.2／10）獨立包裝自家製，甜甜地幾清潤。