宏 (Closed)

我同老公都係鰻魚迷，平時都成日周圍去搵鰻魚飯食，之前我哋去日本仲去咗一個禮拜，食咗幾日鰻魚飯，不過喺香港好難搵到一間食鰻魚飯啲鰻魚好食嘅地方。今日同事介紹話有一間喺黃埔叫宏嘅餐廳，嗰度有白鳗魚食，之前都未食過，啡色嘅鰻魚就食得多，白色嘅鰻魚就未食過，所以我哋就專登去試下咩叫做白鳗魚，睇下同平時啲鰻魚有咩分別。一去到老公叫左個白鳗魚，我就唔係太鍾意試新嘢，所以都係叫番平時嘅啡鰻魚,過白鳗魚配咗五款唔同嘅醬汁，配落的鰻魚到，各有特別嘅味道，啲白鰻魚好新鮮，比平時啲鰻魚更加鮮味，配埋唔同嘅醬汁，食落各有唔同嘅特色，果然冇介紹錯，如果下次有白鰻魚同啡鰻魚揀，我都會揀白鰻魚，因為白鳗魚嘅味道比平時更加食得到鰻魚嘅鮮味。至於我叫嘅啡鰻魚，都好出色，喺香港好難食到咁新鮮嘅鰻魚，啲肉汁好肥美，而且啲鰻魚好新鮮， 平時喺日本先可以食到咁新鮮嘅鰻魚，朋友果然冇介紹錯。