華香雞 (Closed)

睇招牌已經知佢係老字號切雞專門店，今次特登放工嚟試一試，原來除咗雞之外，仲有好多其他選擇，所以叫咗一個套餐，另外再加一煲白鱔，非常有驚喜。特色四寶套餐(華茶雞飯＋滷豬耳＋滷腩片)除咗華香雞出色之外，仲有特色嘅茶香雞，顧名思義加入咗烏龍茶浸泡嘅茶香雞，食到香濃嘅茶葉香味，中和番切雞本身嘅油膩感，食落好有層次。豉汁白鱔煲絕對有驚喜，白鱔煲係即蒸即上碟，整個連埋竹籠一齊上台，好有特色。白鱔夠晒肥美，加上䜴汁，簡直係白飯殺手。