Video
Read full review
2019-04-09
45 views
是日係土瓜灣睇完裝修野，想夜晚食下日本野，行下行下見到呢間拉麵店，就入去一試。一入門口就覺得店舖既裝修充滿日本風情，仲要一直播住比較舒情既日文歌，坐低就覺得好放鬆。同埋店內既空間都大，位同位之間比較寬落同舒服~餐牌~我地嗌左侍應推薦既雞白湯拉麵 ($98)同黑蒜醬油拉麵($98)，另外加左個燒雞泡魚乾($48)同唐揚炸赤雞($33)。提提大家，如果即時下載佢地個APP可以即刻用100積分黎換支裝汽水或者一隻唐心蛋，下次仲可以繼續用今次既消費積分，$1=1分。下載完用電話登記好快就搞掂~由於個麵本身有唐心蛋，於是我地換左可樂~等左無耐，主角終於黎啦~~燒雞泡魚乾($48): 燒得軟硬適中，好香蜜糖味~用黎送麵好好味雞白湯拉麵 ($98): 個麵好有藝術感~因為上面果D一條條，雖然我唔知其實係咩黎，佢係炸過好香脆既好似木魚咁既野，第一次食都幾過癮。呢個麵最正最正既就係佢個湯，乳白色既湯底，超級濃雞湯味，但絕對唔係死咸或者味精，但果種入口清淡但越飲越飲到雞濃味果種。果然係煲足6個鐘，飲得出功力十足!!好味!!不得不說，原本以為個麵得雞肉，點知仲有豚肉，份量仲要唔少，都成3大塊。個雞肉先係戲肉
餐牌~我地嗌左侍應推薦既雞白湯拉麵 ($98)同黑蒜醬油拉麵($98)，另外加左個燒雞泡魚乾($48)同唐揚炸赤雞($33)。
提提大家，如果即時下載佢地個APP可以即刻用100積分黎換支裝汽水或者一隻唐心蛋，下次仲可以繼續用今次既消費積分，$1=1分。下載完用電話登記好快就搞掂~由於個麵本身有唐心蛋，於是我地換左可樂~
等左無耐，主角終於黎啦~~燒雞泡魚乾($48): 燒得軟硬適中，好香蜜糖味~用黎送麵好好味
雞白湯拉麵
$98
9 views
0 likes
0 comments
雞白湯拉麵 ($98): 個麵好有藝術感~因為上面果D一條條，雖然我唔知其實係咩黎，佢係炸過好香脆既好似木魚咁既野，第一次食都幾過癮。呢個麵最正最正既就係佢個湯，乳白色既湯底，超級濃雞湯味，但絕對唔係死咸或者味精，但果種入口清淡但越飲越飲到雞濃味果種。果然係煲足6個鐘，飲得出功力十足!!好味!!
不得不說，原本以為個麵得雞肉，點知仲有豚肉，份量仲要唔少，都成3大塊。個雞肉先係戲肉，我從來未試過食拉麵既雞肉係咁軟腍架!!佢係超超超嫩，個樣似雞胸但食落仲要嫩過雞脾最嫩果塊!!懷疑呢個雞肉就係小食入面果個低溫慢煮日本赤雞，因為真係唔知點樣可以整到咁嫩~~~真心驚喜!
黑蒜醬油拉麵($98): 朋友嗌既，同雞白湯拉麵一樣，除左雞肉之外仲有幾塊叉燒。朋友話黑蒜味好濃，同埋佢都對個雞肉讚不絕口~
黑蒜醬油拉麵
$98
11 views
0 likes
0 comments
唐揚炸赤雞($33): 有3大舊，新鮮滾熱辣炸出黎，好酥脆，點埋配既鹽同黑椒粉一齊食，好夾~佢個雞塊係用有少少肥膏係中間果種黎炸，所以咬落去係有少少汁果種，完全唔會太乾同硬身。
唐揚炸赤雞
$33
10 views
0 likes
0 comments
總括黎講，呢間拉麵店係令我同朋友喜出望外既~發覺佢既雞類產品係做得特別出色，下次口痕去下中環或者佐敦分店再食先得!!
Post
