101肉燥飯專門店 (Closed)

去做facial之前食個下午茶，喺美容苑附近有間101 ,好似都幾出名，所以就入去食個飯。呢排實在胃口不佳，都係想食一啲粉麵之類嘅食品，最咪尾揀咗中餐牌裏面嘅特盛醬汁雞扒肉燥新竹米粉$46 +$6 粟米個米粉真係大大碗，無花無假，而且比起平時啲米粉更加透明同埋有彈性，上面嘅雞扒有兩塊大大件，比想像中多好多，對得起價錢；而且個醬汁配搭都唔錯，雞扒好滑好嫩，咬入去完全唔使用力，口感唔錯。粟米甜甜地，原來有埋滷水蛋，不過就比較老啦真係，但係都好入味嘅。最後食唔晒要打包，外賣盒加收＄1 ,好過浪費食物啦。飲珍珠奶茶雖然唔使加錢，但係我揀咗飲香芋珍珠就要加＄9啦!香芋味都幾突出，而且唔會太化學，不過因為啲冰嘅原因會越飲越淡，珍珠都好有口感而且甜甜地，不過如果唔想加錢都係建議用飲普通珍珠奶茶啦。