幸運星

Open Now

Now Closed

有一晚經過呢度，見到set dinner個menu齊集各國美食文化於一身，有點卻步。這天下午茶時份再臨，就決定試下佢既包點同常餐。菠蘿包唔錯，熱辣辣，個皮好脆，麵包鬆軟得黎又唔會太空氣感。蛋撻係餅皮既，都算香脆，蛋汁蛋味唔太濃不過甜味剛剛好；而雞批算係最好食，餡料唔少，味道唔會太似白汁雞皇，層次多d。另外常餐都係一般貨色，不過蛋真係幾香滑。而奶茶最有驚喜，茶味奶味啱啱好，仲要係一支支咁雪凍，唔會有冰溝淡奶茶味。總括來講，呢度嘅包同常餐都唔錯，比一般茶餐廳質素高少少，不過又唔好期望佢會好有驚喜咁啦。