金鶴拉麵 (荷李活道) (Closed)

今日行完西高山，落咗中環諗住食東歐餐廳，點知Walk in冇位😭😭😭最後我哋過咗隔離食金鶴拉麵查實今次係我第一次幫襯，竟然有意外驚喜😙呢一間餐廳主打雞湯拉麵🍜，我同兩位朋友就梗係幫襯佢嘅招牌菜，不過佢都照顧啲唔食雞🐓嘅朋友，果然百貨應百客。我哋分別叫咗：雞白湯拉麵 $98 🥣湯底用上咗熬煮近⏱6小時嘅雞湯🐓，喺嚴寒🥶嘅冬日飲份外溫暖🥰！而且唔會有一浸油🛢浮喺面，感覺唔油膩，唔會好快食濟。同其他拉麵店唔同佢用上雞肉叉燒，冇咁肥同埋健康啲😙。雞白湯沾麵 $138呢個沾麵💸貴嘅原因係因為佢用咗3️⃣倍濃縮嘅雞湯🐓🐓🐓，飲咗朋友嘅湯頭一啖，果然雞味好濃，但係出奇地唔會好油膩同埋好鹹，配上一口拉麵🍜果然好夾！而且可能因為貴啲🤑，佢有成隻糖心蛋食🥚😂😂😂黑蒜醬油湯拉麵 $98呢個就比較鹹，但蒜香味🧄好濃，朋友飲咗幾啖湯頭，即刻舉起手指公👍大贊，但食到最後有啲口渴，攞咗我罐🥤可樂嚟飲。鹽味拉麵 $98如果想食清淡嘅朋友就可以嗌呢碗鹽味拉麵，湯底好清💧，係可以見到碗底，飲落幾健康，唔同醬油拉麵，鹽味拉麵反而能夠食到食材原本嘅味道，唔錯唔錯😘題外話，加入金鶴拉麵嘅會員可以有100積分換可樂，大家記得唔好錯過