㷫烚烚 (Closed)

🔥牛魔王雞煲海鮮火鍋套餐 120分鐘 (18:15-21:15時段) $325環境舒適，坐位好寬落，好啱同一班朋友去食～🍲雞煲：職員即場加入貴洲茅台，然後點火正式變火焰雞煲🔥，非常吸引。揀咗小辣已好夠辣，雞肉透出陣陣酒香味，惹味又好食。🦪🦐清蒸海鮮盤：海鮮有扇貝、鮑魚、蒜蓉蝦、貴紀蚌、魷魚，配菜有絲瓜、粟米、烏冬。超多蒜蓉，味道香濃，配上海鮮好襯托到個份鮮味😋🍲火鍋湯底：蒙古冰羊煲 +$38/位湯底加入冰塊高湯，羊肉粒，蕃茄、大蔥等。味道比一般羊煲更清新鮮甜，唔怕有好重嘅羊羶味。🍢餐廳設有自助配料飲品區，有各樣丸類、菇類、炸魚皮、炸枝竹、米粉薯粉烏冬、水魷、蔬菜等。🍹飲品有多款冷泡茶、罐裝飲品、汽水等，亦有甜品。我好鐘意竹蓆茅根，甜甜的好飲。檸檬薏米水都唔錯，冷泡茶一杯有三個茶包，樣樣都好足料！👍🏻另外仲有手機下單，可任食🥩M9 和牛同牛小排，兩款牛肉都好有牛肉香味。🥓其他肉類包括五花腩、羊肉卷、雞肉、水餃、魚皮餃等。選擇都唔少。