㷫烚烚 (Closed)

聽聞有明星合資開咗火鍋店，專登來餐廳睇下會唔會見到明星~火焰雞煲雞煲辣度可選大中小，煮到咁上下侍應會加酒再點火快炒，火焰效果好震撼，雞肉保持嫩滑，醬汁又辣又惹味。蒜蓉粉絲蒸海鮮拼盤海鮮拼盤可以選擇加落去打邊爐或者喺廚房直接蒸熟，海鮮配蒜蓉粉絲蒸係最好嘅配搭，今日嘅海鮮有鮑魚、扇貝、大蜆、海蝦，款款都好新鮮，仲有粟米勝瓜同烏冬配襯添，而清蒸就食到海鮮的原汁原味。蒙古冰羊煲期間限定嘅火鍋湯底，煲入面除咗羊肉，仲加入咗湯汁製成嘅冰粒，店員話咁樣可以令羊肉更加鮮甜，煮滾之後湯底飲落的確帶有清甜，羊肉味道濃郁而且食落鬆軟多汁，好新鮮嘅體驗。之後打邊爐任食有各款蔬菜類同丸類，肉類有豬牛羊，而牛肉係M9和牛任食！飯後甜品仲有糖水同芋圓，真係食到捧住個肚走。