鍋匠中日火鍋專門店 (Closed)

講左想食雞煲好耐，一直未成行，今次終於食到了👏。 . .手切安格斯牛肉放題 $248 @ 鍋匠中日火鍋專門店 . .今次既火鍋放題有點特別，係先食雞煲然後再轉火鍋湯底既，同之前試過以雞煲底再加湯打邊爐既食法唔同。一開始會有一盤前菜~胡麻沙律，之後我地需要揀精品之湯，即係係雞煲、蕃茄薯仔粟米豬骨湯、芝士雞煲等選擇，一場黎到，當然要試試雞煲啦🐥。揀左唔辣既口味，但仍然好惹味，香料味好出而且雞肉又嫩😁。食完雞煲就到火鍋了😂，揀左最basic既香茜皮蛋湯底，感覺無咁熱氣😂😂，皮蛋多到一個點，k好鍾意😂。.…講下火鍋配料先！必推手切安格斯牛肉，薄切牛肉油脂分佈平均，牛脂香十足，而且烚後肉質仍然非常細嫩！肉類選擇仲有特上牛肉、極品一口牛（雖然係牛肉粒，但一d都唔韌，而且牛味仲好重添）、丹麥豚肉等。主食仲包括左豚肉湯包、蟹子鮮蝦滑、鮮蝦雲吞等。而其他鍋物包括左魚糕片、魚腐、櫻花蝦餅、響鈴、蜂巢豆腐、炸魚皮等，全部係索湯既好選擇~🤘. …為左減輕罪惡感，叫點菜是必需的！點左好多菇類，例如雞脾菇、金菇同本菇，私心推介南瓜片，係極甜的喔！唔夠飽，呢度有飯麵放題，可以點返個和牛炒飯😲或者蕎麥麵飽上加飽😂。