喜喜雞煲

Open Now

Now Closed

平時好少黎到深井，海邊漫步，有一排大排檔，深井最直接諗到燒鵝，但見到呢一間食雞煲既店舖，突然喚起打邊爐既諗法！飯前小食-烤雞串坐落去落咗單無耐就有得食，熱辣辣非常開胃～飯前小食-冰火魷魚凍魷魚加上特製醬汁，彈牙可口，好適合一班人飯前傾偈進食～主菜-麻辣雞煲可根據個人口味係落單之前選擇辣度，我同友人都揀咗小辣，適合加一碗白飯，同雞煲汁一齊撈埋，味道濃郁，雞件數量適中，未打邊爐之前都覺得少少飽添～邊爐配料-龍吐珠睇個名可能唔知係咩嚟，外表大大粒蟹籽豬肉，食落去先知原來入面包裹住一粒熟既鵪鶉蛋，好有驚喜！邊爐配料-響鈴卷即嗌即刻鮮炸，上檯可以即食，撈埋雞煲汁更加惹味邊爐配料-牛腩肉可以落湯底一齊煮，淋啲易入口，都可以即刻食，都唔錯！