人和月雞煲火鍋店 (Closed)

香港人真係好鐘意食雞煲，去到邊都係咁多人食！今次去左尖沙咀既人和月雞煲火鍋店試下～一開始係食雞煲先，叫左麻辣小辣，少少辣過下癮，雞肉又香又滑，好惹味呢~~食辣野一定要飲野，呢度有個好多飲品仼飲，仲有自家制冷泡茶，解渴解辣一流！！食完雞煲就食火鍋，揀左沙爹湯底，叫左牛肉拼盤同海鮮拼盤，有十個牛肉不同部位都食到，值得一試，另外海鮮都幾新鮮，有鮑魚、蝦、扇貝~除咗兩個拼盤，仲有多款火鍋配料可以叫或者係配料櫃自己拎！自助區度仲有甜品拎，係香滑豆腐花，可以自己加啲芋圓，好得意又好味，飽到上心口~~