真味鮮廚 (Closed)

好耐冇食過雞煲打邊爐，今次去咗呢間有龍蝦打邊爐嘅真味鮮廚，$348/位，一次過滿足我3個願望。首先嚟個刺身拼盤，估唔到質素好好，好新鮮，帶子、甜蝦、三文魚最正，仲有鮑魚添😋跟住就到雞煲，香噴噴，超級嘢惹味，唔會好辣，越食越開胃。跟住就打邊爐，我哋揀咗皮蛋芫荽湯底，清清地，諗住食海鮮唔揀太濃味。海鮮火鍋拼盤一嚟到即刻心心眼😍好大堆頭，聖子大隻，帶子巨型，仲有龍躉、鱔片、鮮蝦、蜆、青口，仲有主角每人半隻龍蝦😋。海鮮全部都新鮮，食到舔舔脷，其實食完呢個海鮮拼盤已經飽咗七成。套餐每人有一份特級安格斯肥牛，薄薄一片，好有牛香，肉質鮮嫩😋。如果想食多啲肉其實仲有另一款肥牛可以任食的，但係我哋留肚食其他嘢就冇食Lu。套餐仲包每人一隻巨型水餃王，真材實料，好多蝦😍爽口彈牙。任食配料方面，我哋係咁易食咗幾款，已經冇乜quota🙈鮮蝦滑、炸魚皮、唐生菜、韭菜餃都推介。我哋好似仲有叫腐皮脆香酥，不過上漏咗俾我哋😝呢度飲品係自己出去雪櫃拎嘅，另外將一區仲有一啲錢塞俾人任食， 上海烤夫幾好食。如果有埋甜品任食就更加好🙈