滾喜火鍋專門店 (Closed)

我同朋友本身都好鍾意食雞煲，諗住今次就返朋友喺旺角放工就上OpenRice睇吓邊間好，見到呢間滾起火鍋專門店都幾多好評就book呢間試吓。🙃我哋叫咗個麻辣雞煲，由於唔知有幾辣所以都係叫咗小辣試吓先🤭🤭個煲一嚟到啲香味已經傳咗過嚟搞到我更加肚餓！辣度同麻度適中，我哋兩個都接受到兼好喜歡！！而且啲雞好少骨最啱我呢啲懶人！😋😋😋食完雞煲就係火鍋喇，個形式好似放題咁有紙比你tick你想食嘅餸，我哋加錢叫咗高級安格斯牛，虎蝦，西班牙黑豚肉片，澳洲牛舌，牛柏葉，響鈴，午餐肉等等，當中最喜歡係個牛肉同埋牛柏葉！我哋兩個都食左勁多野飽到上心口！🤦🏾‍♀呢度有竹蔗茅根飲，似係自己煲都幾好味，又可以清熱消滯，很不錯！呢度職員服務都唔錯，而且d餸黎得都好快，收碟亦都好有效率，值得讚！