雞翼山 (T.O.P This is Our Place)

Open Now

Now Closed

講咗好耐要食雞翼山，今日終於黎到旺角嘅雞翼山買外賣番屋企食。餐廳裝飾得好夢幻，好似充滿住粉紅泡泡，主要做外賣，亦都設有幾張木枱木椅俾客人堂食。  今次點咗12件雞翼餐，可以揀3款口味嘅雞翼，包一罐飲品，餐廳會用一個靚靚環保袋幫你裝起。  我地點咗文青玫瑰、濃口櫻花蝦蝦醬、宮崎南蠻他他味。雞翼煎得好脆，攞上手已經熱辣辣又香噴噴。文青玫瑰味焦焦甜甜地，帶有少少花香，雞肉非常嫩滑，好juicy多汁。濃口櫻花蝦蝦醬就比較重口味，蝦味好濃郁，十分惹味。宮崎南蠻他他味係額外有一盒他他醬，份量好多，每一啖都可以沾上滿滿嘅他他醬，勁邪惡>< 餐廳仲有提供其他一人餐二人餐小食等等，一個人食又得，開party一班朋友又啱，唔怪之得咁受市民歡迎。