Wingman (閣麟街)

Open Now

Now Closed

中環有間雞翼專門店，主打多款特色口味，先用八種醃料醃過夜，放入暖水慢煮一小時，等到半生熟狀態後炸完再作調味，確保隻隻皮脆多汁。大胃王建議食雞翼放題，三個套餐90分鐘，分別在於雞嘅口味選擇同小食，唔係嘅話亦可單點。如果淨係想食雞嘅話第二款已經夠晒你食，包含10精選味道，有辣有唔辣，有乾或濕身。個人首選泰式甜酸醬同中式海鮮醬，兩款都係濕身嘅，相比起冇咁膩所以可以食多幾隻，而辣款都真係幾辣吓，好彩有嘢飲頂一頂。全部雞翼細細隻，一口一隻方便食用，外皮炸至酥脆，肉質嫩滑啖啖肉，每人食咗46隻，見牆上寫最高紀錄係76隻，太犀利了。值得一提嘅係店內座位唔算好多，星期一平日晚上都滿座，大枱客，想食嘅一定要預先Book位呀。