雞翼山 (Closed)

今次要介紹嘅係位於紅磡黃埔嘅雞翼山，一間菜式如其名全部都係雞翼嘅小食店。文青風玫瑰雞翼 $48 / 6件雞翼煮到呈啡色，表面上灑上玫瑰花瓣作點綴，外觀已經令人流曬口水。雞翼皮十分脆口，可以同時品嘗到蜜糖嘅甜味同黑椒味，兩者相輔相成令到雞翼香味喺嘴入面散發開去。惟玫瑰味相對較淡，若能更重玫瑰味則味道會更豐富。整體而言，係食過最好食嘅雞翼，會再去試其他口味。