燈籠滷味 (登龍街) (Closed)

我同朋友去食飯，樓下無位，要行樓梯上去上層，我大肚，不過都唔緊要，照行上去。落單要等店員上嚟，等咗一段時間先有人理，點完餐都等咗一陣間先上到菜，我叫咗鹽酥雞，但雞肉唔熟，無奈地我哋上層真係冇員工喺度，我又冇理由大住個肚落樓叫人上嚟，而且我又趕時間要走，所以最後落樓埋單嘅時候，就用電話展示出唔熟嘅雞肉照片，同收銀個阿姨講啲雞肉唔熟，我唔係要啲咩着數，手上已經拎定錢照埋單，只不過係同收銀講一聲叫佢哋注意吓。不過最嬲嘅嘢係阿姨冇望過我一眼，我攞住個電話show俾佢睇成個傻婆咁，然後佢冇望過我一眼就話雞肉粉紅色係正常，你平時唔煮嘢食嘅人梗係唔知道啦。我真係呆咗喺度，我心諗雖然我真係冇乜煮嘢食，但係我知道舊雞肉唔係粉紅色咁簡單，係透嘅根本就係唔熟。然後我就話如果係咁我就擺上網㗎啦，講完呢句佢終於望我個電話，然後佢就話真係唔熟喎。我真係覺得完全被不禮貌對待，就算我真係冇煮嘢食都唔需要咁樣講嘢另外我想講我係大肚婆食咗啲唔熟嘅雞肉已經好不安，仲要咁樣對待我！我到而家仲係好嬲，同埋覺得好傷心！我同朋友介紹呢間嘢去食，竟然食到咁唔開心收場。我阿姨嘅嘴臉，今時今日都仲記得。我非常後悔冇拎食物去食環投訴！