肥仔海南雞專門店 (海光苑)

Open Now

Now Closed

今日本來想去凝香園買可樂雞翼飯(唔知有無記錯名)，但阿姐話賣哂，又想食雞，行咗隔離兩檔，嚟呢間買咗個招牌無骨海南雞飯，包個例湯盛惠49蚊。買飯嗰陣，收銀阿姐仲問我要唔要加6蚊轉髀位，話滑啲，我話唔洗。打開個飯盒，食咗一啖飯，成陣發霉既up味，似係啲白米放咗好耐，或者受潮發霉，味道好怪，十足十以前返大陸食過啲劣質餐廳既白飯，差！跟住到試舊雞，無味，乾柴，仲要斬埋啲雞皮連肉碎俾我，啲雞唔係新鮮雞都算，唔知佢點調味，差！啲雞底下有三四舊醃青瓜，味道正常 啲醬料正常，比雞同飯更出色，不如淨賣醬料算！個海南雞飯仲要差過連鎖快餐集團大xx既出品，十分難得！個例湯試咗一啖之後倒哂，淡味，成堆水溝雞油，有一舊細冬瓜响底。呢間第一次試，然後沒有然後，完了吧，浪費咗49蚊。