尚上下夏 - 養生雞煲火鍋 (Closed)

完成左個大project，公司吹雞去附近打雞煲，既然叫到當然出席啦。為左食呢個雞煲，今日lunch專登留肚架。首先當然食雞煲鍋啦，我地選擇左全部雞脾肉，雞肉用好多香料炒煮過，包括花椒，八角等有點麻辣味道，這味道亦相當搶喉攻鼻，正呀。其他香料仲有大蒜，大蔥，洋蔥，西芹等等，所以令醬汁及味道調較成相當惹味。至於雞脾肉煮得入味之餘仲相當嫩，肉質夠晒滑溜，每件都係雞脾肉咁食都係第一次，食到流晒口水，份量都夠晒，一隻黎講基本上4-5人都食唔晒。鬼馬墨魚都真係算幾鬼馬，外裡睇落只係一條鋪滿蟹子既東西，原來係蟹子鋪係油炸鬼上面，而且中間仲夾住墨魚滑添。老闆話煮既時間唔使好耐，大概3分鐘即可以。食落蟹子既啪啪聲，仲有墨魚滑既嫩滑，加上油炸鬼既香脆，口感層次豐富，夠晒古惑。最後食埋手切安格斯牛，嘩牛肉雪花分佈唔錯，食落就更加感受到雪花脂肪同牛肉既比例係剛好，令口感滑到洽到好處，而又唔覺得成口油利。至於師傅既刀功都可見一斑，厚薄度適中，唔會食左好似覺得食左張紙咁無乜口感，浸埋落雞煲個湯汁度味道比沙嗲牛肉就更好味。