鳴虎

Open Now

Now Closed

同朋友係新都城行街， 行到咁上下，嚟呢間性價比高嘅拉麵店醫下肚先，有個$128嘅鳴虎拉麵套餐，有拉麵有飲品有小食，幾抵，鳴海老 - 蝦味噌豬骨湯拉麵，湯底味道鮮甜，拉麵灑上櫻花蝦粉，更添鮮味，叉燒厚身啖啖肉。套餐小食揀咗胡麻菠菜，睇落好似細細碟，但其實份量頗多，新鮮翠綠的菠菜，淋上胡麻醬，惹味又不會過咸，茉莉花茶，味道清香， 一大杯好抵飲，赤虎 - 特濃辛口拉麵， 湯底味道香辣，拉麵爽口彈牙，勁正嘅原隻溏心蛋， 蛋黃半生熟，蛋香味濃，口感軟滑。總結：餐廳座位寬敞舒適，餐桌和餐具均乾淨衛生，侍應招呼主動殷勤，拉麵湯底濃而不膩，拉麵套餐抵食，性價比高，可以做飯堂。