味真越 (Changed Hand) New Restaurant

今日同朋友相約係利東站，係鴨脷洲公園附近搵下午茶食，見到一間越南野裝潢唔錯，就決定入去試下。 當時大約係下午4點，店內仲有3-4台客人，我地坐門口的大台位，唔需要等位。 坐定之後，我地叫左個生牛肉湯河同香矛雞翼湯河，以及兩杯熱菜蜜。 熱菜蜜即叫即沖送到台面，5分鐘內，一碗生牛肉湯河同淨湯河亦送上，雞翼後上。生牛肉份量很多，佈滿成個碗，牛肉很鮮嫩，應該是牛肩，完全沒有冷藏味。另外湯底亦很濃的肉湯味，沒有甚麼味精，河粉份量多和結實彈牙。 10分鐘內，即叫即做的香矛雞翼送上，雞翼外皮煎得香脆可口，但入面的肉仍很有肉汁和保持鮮嫩，值得一試。