玉桃軒酒家 (康怡廣場) (Closed)

個標題都講咗啦!我今次去食呢一間酒樓就叫咗片皮鴨同埋欖仁四季豆炒龍利球。 隻鴨一上枱，我就叫侍應唔好片住，俾我影張相先，佢都好配合，抵讚!片完出嚟，可以見到都非常之多肉，侍應都好有心，有一半就係皮帶肉嘅，有另外一半主要就係淨皮，用皮夾鴨肉加埋嗰啲配菜同埋醃料，食落係脆嘅， 而肉亦都好入味，亦唔會覺得佢好鹹。 四季豆炒得好好，除咗有欖仁味之外，仲有好微少辣味，炒得惹味，而龍脷球份量都好多。 今期晚飯以花膠為主，我就叫左款燉湯，試左之後，覺得個螺頭和花膠都好足料，有大大片嘅花膠同埋有粒螺頭添，非常之甜美。