Deer Kitchen (荃新天地) (Closed)

好耐未試過嚟到荃灣拍拖仔喇，勁開心去食西餐。最開心係有蠔食！$10一隻生蠔，最少叫半打。我地兩個人就叫半打啦！本身想飲白酒，但係要叫夠一打，先可以+68配兩杯白酒，今次得同男朋友兩個，又好似食唔晒咁多就冇叫。叫左一個二人晚餐($438/2人)，一個要是日餐湯，一個要是日沙律。餐湯原來每日都唔同，今日係西蘭花忌廉湯，非常creamy。沙律係我中意食ge黑醋汁。慢煮紐西冷牛柳伴香煎砵酒鵝肝 (+$108)牛柳因為係慢煮所以好淋身，鵝肝當然係我最愛。呢個牛柳仲要係配紫薯蓉，所以都幾特別。海鮮意大利飯意大利飯都好creamy，飯就少少硬身，我自己就覺得幾有d咬口。個飯好足料，啖啖都係海鮮。最後我叫左粉紅 Pinky Pinky ($48)，有grapefruit，男朋友就叫左三色世界，兩杯都幾Fruity。