狂野麻神麻辣火鍋 (Closed)

麻辣火鍋我最啱😍 今次發現咗尖沙咀呢間麻神，個名聽落好勁咁😃 果然野食都真係幾正😍 餐廳環境氛暗，頭頂燈光照落個鍋到啲蒸氣飄飄然下好似去咗仙境🧚🏻‍♀️叫咗麻神火鍋二人餐 $888，勁豐富🥰 揀咗鴛鴦鍋，一半係麻辣鍋，一半係花膠響螺雞鍋。兩邊個湯底都好濃稠，麻辣湯辣得來好香，唔會太鹹，裏面有鴨血，鴨血味道同出面個啲唔一樣，係比較鹹，口感較軟嫩。花膠響螺雞湯底鮮甜，有幾片花膠好足料。前菜醬料椒鹽豆腐粒香脆可口嘅前菜，豆腐粒粒炸得金黃，椒鹽惹味😃海鮮拼盤有紐西蘭蟶子皇，南非鮑魚，番薯蜆，紐西蘭刀背，海鮮件件新鮮又彈牙大隻，用花膠響螺雞湯去烚，味道更加顯得鮮甜。 迷你牛肉盛牛肉盛都好豐富，有兩款牛肉片，脂肪分布好靚～ 牛味濃郁😍 韭菜餃，魚皮餃，牛肉丸，豬肉丸丸類質素幾正👍🏻 皮薄饀靚，韭菜餃係包到滿滿一個，味道口感幾好。蔬菜拼盤竟然有冰菜，吸收哂湯底嘅冰菜爽口又多汁，好滋味😃 烏龍麵似係扁烏冬嘅口感，滑溜又掛湯，有彈性又煙韌，打邊爐食佢最啱～水果茶呢杯水果茶夠哂大杯又冰涼，裏面有幾種水果切粒，士多啤梨，火龍果，藍莓，菠蘿好豐富～飲完仲有得食tim😃