北料南麵 (Closed)

好耐都冇去深水埗行下，今日就入嚟周圍行下hea下順便去食呢間用心制作嘅小店食個辣辣午餐！👅👅 價格真係好平！38蚊就有一碗麻辣牛腩麵👍🏻因爲怕太辣所以只係嗌左小辣同小麻😛雖然係辣，但食得出用左好多辣椒做成，辣得嚟會爽個種！牛腩非常多件，麵底要左重慶小麵，比較幼身有咬口！另一個要左豬軟骨👨🏻‍🍳十分淋身，有d軟骨咬下咬下好有口感❤️ 小食試左黃金皮蛋！第一次食覺得好驚喜，皮蛋好入味，帶蒜香，食落出奇地順滑😋😋 仲叫左一份煎餃，係韮菜豬肉嘅，皮好煙韌，比出面食嘅好食得多！肉餡好多又juicy👍🏻菜要左跟腩汁，份量十足🐄